Hamein haftein mein ek baar toh baahar ghumane jarur jaanaa chahiye

Bhaag dauda ki iss zindagi mein hum bahut busy rehtein hai. Roj apne-apne kaam ko sambhalne mein lage hua hai, kya kare yeh sab toh hamein sambhaalna hi hoga nahi toh hamaari zindagi kaise chalegi. Hum kabhi-kabhi iss zindagi se bahut hi pareshaan ho jaate hai, yeh sab hamaari roj ke thakaan aur din-bhar ki tension ke wajase hota hai. Kya hum kuch kar nahi sakte iss thakaan aur din-bhar ke tension ko kam karne ke liye. Toh chaliye hum jaante hai ki iss thakaan aur tension ko kaise kam kiya jaaye.

Hamein haftein mein ek baar apne-aap ke liye jarur kuch time dena chahiye. Kuch time dena ka matlab yeh hai ki hamein haftein mein ek baar kisi ek adventurous jagahh par jarur jaana chahiye. Jab hum aisi kisi adventurous jagahh par jaayenge toh hamein bahut achha mehsus hoga. Hamein aisa lagega ki chalo aaj kuch nayaa aur kuch alag sikhane aur dekhane ko milega. Mera kehne ka matlab yeh ki hamein uss jagahh par jaanaa chaahiye jahaa pahaad ho, jahaa nadiyaa ho, jahaa paani ke jharne ho, jahaa khuli jagahh ho, kuch aisa jagahh jahaa par aas-pass koi ghar na ho.

Jab aise jagahho par hum ghumne ke liye jaayenge toh hum apne-aap ko bahut hi halka mehsus karenge. Hamein aisaa lagega ki humaare sar par se bahut hi badaa bojha utar gayaa hai. Uss jagahh ki khuli hawaaye jab hum apne andar lenge toh hamaare shareer ka oxygen level badhega, aur hum apne-aap ko bahut aaraam feel karenge. Aisa jagahh aapko bahut hi jyaadaa gaon ke side mein hi dekhane ko milega. 

Chaliye mein apne baare mein bataataa hun, mein mumbai mein lagbhag 5 saal ho gaye hai, lekin mai aapko sab kya bataau ab tak gaon nahi gayaa. Mujhe bahut mann hota ki iss saal gaon chalaa jaau lekin kya karu padhaai ke wajase gaon nahi ja paata hun. Aap sab soch rahe honge ki aise kaise nahi gaon jaa saktaa hun. Actually mein jab 9th standard pass hua tab meine apne ssc board ke liye tayeyaari shuru kar diya, iss wajase mai uss saal gaon nahi jaa sakaa. Aur jab mai ssc pass hua tab fyjc ka online form bharna padaa phir iss ke liye tayeyaari shuru kar diya, jaise hi fyjc pass hua toh meraa 12th ka tension sar pe aa gayaa. Phir kya 12 pass hone ke baad 3 saal abhi polytechnic course kar rahaa hun aur soch lijiye ab tak mai gaon nahi gayaa.

Yehi experience aap sab se share karnaa chahataa tha, ki aap bhi meri tarahh apne khush bhari zindagi ko yu hi jaane na dein iss din-bhar ki zindagi mein se zara sa time nikaal kar kahi adventurous jagahho par jaakar aayein. Isse aapko junun aur kaam kar ka motivation level boost ho jaayega. Aap sabhi ko mai yehi kehna chahunga, ki aap sab mere jaise galti naa kare kyun mujhe koi idea nahi tha ki adventurous jagahh ghumne se kitna achha mehsus hota hai.

Hamein apne kaam ke saath-saath apne swaasth ka bhi khayal rakhanaa chahiye. Kyun maine bahut laapar waahi ki hai, aur baad mein mujhe pachataanaa pada rahaa hai. Aaj ke iss modern city mein agar hum apne-aapka swaasth ka khayaal nahi rakhenge toh barut hamein problem ko face karna pada sakta hai. Aap sab toh jaise jaante hi honge iss samy mein aaj kal kitne naye-naye bimaariyaa aarahein hai. Iss liye aapne aapko sambhaal kar rakhiye, baaki kaam baad mein sabse pehle apne-aap ke liye samay nikalne se aap ko kabhi-bhi tension, thakaan jaise problem kabhi nahi aayega. Take care youself because your helath is wealth.

Kya aap jaantein hai iss corona lockdown mein hamaare waataawaran ko kitna phaayada hua hai ?

 Iss corona maahamaari ne sabki jaan aafat mein daal di hai. Jidhar bhi dekho traahi-maa traahi-maa ho rahaa hai. Koi bhi log sukun ki zindaki kya hoti hai yehi bhul gaye hai. Aaj jise bhi dekho wo sabhi pareshaan nazar aa rahein hai. Thodi derr ki liye agar raaste par nikalo toh ambulance ki gaadiyon ka aawaaj hi sunne ko miltaa hai. Shudh hawaa kya hotaa hai yeh hum sab bhul hi gayein hai kyun ki sabke cheharo par mask lage huye rehtein hai. Ab na jaane ki yeh corona virus ka janjaal kab khatam hoga. Abhi dekhaa jaaye toh kuch isske baare mein kahaa nahi jaa sakta hai. kyunki ye corona virus itnaa dheere-dheere khatarnak hote jaa rahaa hai ki din-par-din kuch kahaa nahi jaa sakta hai.

Aap sab ko yeh jaise ki maalum hoga ki iss corona lockdown ke wajase hum sab abhi ghar par hi rehtein hai. Din bhar ghar pe rehte-rehte bor hote jaa rahein hai. Agar koi manoranjan ke liye kitna bhi upaay banaale, magar unn sabhi cheejo se wo ubb jaatein hai. Lekin kya kare ab iss corona mahaamaari ke wajase ghar par rehnaa hi pada taa hai, yeh hum sab ki majburi hai. Ab toh roj ke jaise subahh uthkar bazaar jaao aur bazaar se sabjiyaa lekar ghar par aao yehi roj ka kaam ho gaya hai. ghar par hi khao, piyo aur so jao yehi din-bhar ka kaam bana gaya hai.

Aaj sabh ko jaise maalum hoga ki iss corona virus ke lock-down mein kitno ka ghar ujada gaya hai. Kitne hi pati-pani ka divorce ha chuka hai. Ghar baithe bahut se log apne mein maara-maari kar rahein hai. Iss lock-down mein yehi toh sunne aur dekhane ko roj mil rahaa hai. Darasal yeh sab aisaa kyun ho rahaa hai kya aapne kabhi socha hai, toh chaliye hum aapko bataa dein ki ye kyun ho rahaa hai. Ye issliye kyun ki sabhi log ghar par hi baithe-baithe ubb gaye hai toh iss liye bahut se chid-chide se honne ke wajase wo chhote-chhote baato ka bahut jaldi buraa maan letein hai. Aur iss wajase pati-patni aapas mein lad rahein hai. Yesa iss liye ho rahaa hai, kyun ki ghar baithenne ke wajase sabhi logo ka maansik stithi par bahut buraa asar padaa hai.

Ghar mein baithe-baithe pareshaan ho kar zara sa samaya ke liye road par niklo toh puraa road sunaa-sunna sa lagne lagtaa hai. Bahut se log lock-down ka naam sunte hi apne-apne gaaon ka ticket book karne lagte hai. Aur apne-apne gaaon ke liye chal padatein hai. Aap sabhi ko hum yeh bataadein ki pichale lown-down jiss time corona virus first time aaya atha uss time mein sampurn lock-down ka government ne announce kiya tha tab aapko pataa hai sabhi bus,train aur hawaai-jahaaj band hoye the, tab gaaon paidal aur apni-apni gaadiyon se jaate waqt kitne hi log mar gaye the. wo sab aap ne news mein zarur sunaa hoga. wo drishya sach-muchh bahut hi katarnak drishya tha.

Corona lock-down mein bahut se burre din hum sab ko dekne ko milein, magar iss lockdown ke wajase bahut hi jyaada acche parinaam bhi dekhane ko milein hai. chaliye hum aap sab ko bataatein hai. Corona lockdown ke wajase traffic roado par nahi lagtein the, aur iss liye hamaare waatawaran mein waayu pradushan jise english mein hum Air pollution ke naam se jaantein hai. Waayu pradushan ka level hamaare waatawaran mein bahut jyaada maatra mein kam hua hai, aur ye hum sab ke liye bahut hi khushi ki baat hai. Kyun ki hum sab ko jaise ki pataa hi hoga saharo mein Air quality kitne down hoti jaa rahi thi lekin iss lock-down ke kaaran sabhi ghar mein rehte the, roado par gaadiyaa nahi chalti thi, saare industries factories mein taale lag gaye the.

Chaliye jaza isski gehraii mein chal ke jaantein hai. Aap sab ne news mein akhabaaro mein ye jarur padha ya sunna ho ki bangkok mein school aur colleges band kar diye gaye hai, ye sab air pollution ke wajase hi hua tha. Lekin iss corona lock-down ke wajase bangkok desh mein waayu pradusan bahut maatra mein kam hui hai sirf-or-sirf road traffic kam hone se. Waayu pradushan jyaada honne ke wajase Taj mahal ek dhaba-dhabba jaise dikhane laga tha, lekin iss waayu pradushan ke kam ho jaane se Taj mahal phir se chamak ne laga hai. 

Lock-down ke wajase India ke Yamuna aur Ganga jaise nadiya ek dam saaph-suthar ho gaye hai. Kyun ki iss lock-down ke wajase sabhi dhaarmik sthaal band ho gaye the, toh sabhi log apne-apne ghar mein hi puja-paatha karte the, aur yehi kaaran hai ki na koi yamuan nahaane gaya aur na koi ganga nahaane gayaa. Logo ke mandir na jaane ke wajase mandir mein jyaada maatra mein phul maalaayein bhi nahi hotein the. Aap sab ko jaise ki pataa hi hoga bhagwaan par chadhe koi bhi phul ya maalaa usse kidhar bhi nahi phekaa jaataa hai, usse sirf-or-sirf ganga or yamuna jaise shudh nadiyon mein hi bahaayaa jaataa hai. lekin iss lockdown ke wajase sabhi dhaarmik sthal band the toh koi bhi log mandir gaye hi nahi, toh iss liye yamuna or ganga ki nadiyon ka paani sundar or saaph najar aata hai. Hamaare waatawaran mein waayu pradushan itnne maatra mein kam hua hai ki hum agar 100 miles ke range mein himalaya ko bahut aasaani se dekh saktein hai.

Aur yehi nahi balki Italy ke venice canal ka paani itnna saaph hogaya hai ki uss mein hans phir aa gaye hai. Actually mein hua yu tha ki jo venice canal hai usska paani gandaa hone ke kaaran uss mein rehne waale Hans wahaa se chale gaye the lekin iss corona lockdown ke wajase sabhi log ghar par rehne ke kaaran venice canal kaa paani ek dam saaph ho gayaa hai.

Hum ne lock-down mein bahut se problem ko face kiya hai magar kya aap sab jaantein hai hamaare waataawaran mein maano toh iss lock-down ke wajase recovery ho gaya hai. Jo kaam hum khud apne iss advance technolgy ke madat se nahi kar paaye wo kaam iss corona ke lock-down ne kiya hai. Agar hum isske positive prabhaav ko dekhenge toh hamaaraa najariyaa badal jaayegaa.

Kuch anokhi baatein iss corona lockdown mein aapke sang

Jaisein ki aap sab jaantein hi hai, iss corona mahamaari ke wajase saare desh mein lockdown lag gaya hai. Sabhi ko apna job, business or students ko apna school se door hona pada rahaa hai. Ab ghar baithein-baithein paise kahaan se aayenge ye toh tension darasal hum sab ko hai. Iss corona lockdown mein karein toh kya karein. Ab jo log physical job ya business kar rahethe wo sab log ab shayad hi apna job ya business sambhaal paa rahehonge, nahi toh bahut-se-bahut iss lockdown ke wahjase berojgaar ho gaye hai.

Jo log financially acche hai, unnki toh koi baat nahi lekin jo log financially weak hai unnke liye toh yeh bahut badi chunauti hai. Iss lockdown mein karein toh kya karein. jinhein digitally ghar baithein online kamaane ka source aur knowledge hai wo logo ki toh koi baat hi nahi par jo logo digitally online kamaane ka jariyaa nahi maalum toh unn sabko chintaa toh jarur hogi.

Kya aap sab ko yeh pataa hai, mujhe bhi abhi-bhi digitally kamaane ka jariya nahi maalum aur maalum bhi hai toh kaise kis tarahh karnaa hai yeh nahi maalum. Kehne mein toh bahut sharm aataa hai lekin yeh baat bilkul sach hai. Aaj bhi mai roj online yeh dekhtaa rahtaa hun, ki kaise online kamaaya jaata hai. Chaliye sabse pehle mein aap sab ko apna parichaya detaa hun, mein darasal ek student hun aur mein electronics stream se polytechnic kar rahaahun. Kamaane ka itnaa jyaada echha hai, ki jab online se mera kaam nahi banaa toh mai net pe offline kaise kamaanaa hai ye search karne lagaa.

Lekin iss lokdown mein offline kaam milna bahut hi muskil ki baat hai. yesein hi roj online/offline kaise kamaana hai yeh search kartein-kartein ek din maine dekhaa ki kaam karne mein kaisa sharm. Iss word ko suntein hi mai ekdam se conciously sochne laga. Ab kaise bhi kar ke kamaana hi hai. Ek din ki baat hai roj ke jaise mein shaam ko dukaan se dhudh laane ke liye gaya tha.

Dukaan par jaane ke baad maine uss dudhwaale se dudh maanga, dudhwaalene jaise hi mere haath mein dudh diya waise hi mujhse ye kahaa ki kya tum mere dudh ki delivery karoge. Jaise hi yeh shaabd apne kaano se sunaa, mai sochne lagaa ki kya mai yehi kaam karunga? itna chhota kaam. Uss waqt maine uss dudhwaale se kuch kahaa nahi aur chup-chaap ghar pe aagayaa. Aur ghar pe aakar sabse pehle apni maa se puchaa ki kya yeh dudh ki delivery kaa kaam karnaa chahiye ya nahi. 

Aap jaantein hai meri maa ne kya kahaa mujhse, "Haa kyun nahi din-bhar ghar par baithne se toh achha hi hai, ki tum ye kaam karlo aur kaam kaisaa bhi ho kaam-kaam hota hai. Aur kya tumharaa exercise bhi hojaayega aur tumhaara mood bhi din-bhar fresh rahegaa" yeh baat maa ki sunne ke baad maine socha ha maa bilkul thik hi kehh rahi hai. Actually mai chhote kaam karne se bahut sharmaataa hun lekin maa ne jaise hi kahaa ki kaam-kaam hota hai, bhale hi woh chhota ho ya badaa.

Dusare din jab mai shaam ko dudh laane ke liye gayaa tab uss dudhwaale se kahaa thik hai, yeh kaam mai karunga. Aur jaise aap sabhi ko pataa hi hoga lockdown ke waqt ye dudh ka delivery ka kaam chal rahaa tha, kyun ki ye jarurat waali wastu hai sabki. Toh iss tarahh se maine iss lockdown mein dudh ka delivery kaa kaam shuru kar diya. Aur mujhe ₹4000/- mahine mein miltaa tha.

Aap sab ko  mere baare mein bataane ka ek hi kaaran hai, ki aap bhi agar kamaana chahatein hai toh kuch-na-kuch kijiye jarur khali baithene se acchaa hi hai. Dekhiye mujhe aaj abhi sab pataa toh hai ki digitally online paise kaise kamaane hai lekin lack of experience ki wajase mujhe koi raasta najar nahi aane ke wajase yeh dudh ki delivery jaisa kaam karnaa pada raha hai.

Agar aapko bhi abhi koi digitally online kamaane ke liye nahi aarahaa hai. Toh jyaada sochiye mat jut jaayein offline ke kaam mein, ghar baithne se toh bahut behtar hi hai. Aur haa mai aap sab ko bataa du ki koi bhi kaam badaa aur chhota nahi hota hai, kaam kaam hota hai aur kaam mein koi bhed-bhaav nahi hota hai. Toh aap niraash hoyein nahi koi-na-koi kaam apne najdiki mein dekhen aur shuru hojaayein kamaane ke liye.

Hamein jyaada kar ke ped-paudhe lagaane chaahiye, isse hamarein paryawaran mein ek nayi sudhar aane lagegi

Aap sabhi ko yeh pataa toh jarur hoga, 9th may ko hum sab maatr divas ke roop mein manaatein hai. Hum apni ghar ki maa ke saath ye maatr divas manaatein hai, kya aap dusari maa ko kabhi yaad kartein hai. Aap shaayad samjhe nahin honge ki hum kis maa ki baat kar rahein hai. Darasal hum uss maa ki baat kar rahein hai jis par hum sab jeev-jantu usske sahaare zinda hai, aur apna basera kar rahein hai. Hum apni dharti maa ki baat kar rahaahun. Aaj ke iss yug mein hum, gaon ho ya sahar hum jyaada zamin ke liye hum iss dharti maa ko kitna kast de rahein hai, kya aap ko yeh pataa hai.

Aap sab yeh soch rahein honge ki bhala hamaare wajase dharti maa ko kaisa kast ho rahaa hai. Toh hum aap sab ko bataa de ki, hamaari laalach ke wajase. Hum dheere-dheere zamin ke liye dharti maa ke mann-pasand aur sabse pyari wastu ko hum unsse alag kar rahein hai. Kya aap sab ko malum hai vah konsi wastu hai wo hai "ped-paudhe" ha aapne ne thik suno dharti maa ke sabse adbhut aur pyaari wastu hai "ped-paudhe".

Ped-paudhe sabse anmol wastu hai hamaare dharti maa ke liye, kyun ki issi ped-paudhon ke wajase hamaare dharti maa ke jo mitti hai wo ek jagah par rukaa rehtaa hai. Kyun ki ped-paudhon ka jo roots hota hai wo mitti ko pakad kar rakhtaa hai. Aap sab ne chhoti class mein yeh jarur padhaa hoga "soil erosion" ke baare mein. Soil erosion ko hum hindi mein "Bhu-jharan" kehtein hai. Kyaa aap jaantein hai iss shabda ka matlab kya hota hai, isska matlab hota hai ki jab kisi jagahh par ped-paudhe nahi hote hai aur uss jagahh par hawaa ke tez jhoko ke kaaran mitti ke jo chhote-chhote kan hote hai, wo sab hawaa ke tez jhoko ke wajase se udd jaatein hai. Aur issliye wahaa ke mitti kam ho jaati hai.

Sirf hawaa ke tez jhoko ke wajase hi nahi hota hai "Bhu-jharan" balki bahtein tez paani ke wajase bhi hota hai "Bhu-jharan". Actually mein hota kya hai jab paani ka tez bahaawa hota hai tab uss jagahh par jitne bhi mitti hai woh sab mitti paani ke tez bahaawa ke saath behh jaatein hai, aur issi ko hum hindi mein "Bhu-jharan" kehtein hai aur english mein hum "soil-erosion" kehtein hai.

Aur iss soil-erosion ke kaaran uss jagahh ki mitti kam ho jaati hai, aur ye bahut jyaada maatra mein wahaa ke khetoh ke phaslo mein nuksaan daayak hota hai. uss jagahh ki nami kam ho jaati hai. Aur issi kaaran ke wajase hum uss jagahh par koi bhi phasal ho ya koi bhi prakar ka kheti ho wo achhe se nahi hota hai. Aap ye maan lo ki ye bahut khatarnak hotaa hai "Bhu-Jharan".

Hum iss "Bhu-Jharan" ko kaise Rok saktein hai

Aap sab jaantein hai yeh baat hum ne aapko already bataaya hai agar aapne pehlewaale line ko jaraa gaur se padhaa hoga toh. Hum iss "Bhu-Jhran" ko bahut aasaani se rok saktein hai agar hum ped-paudhon ko kaatna bandh kardein toh. Iss Bhu-Jharan ko rok ne kaa maatra ek hi sabse saral upaaya hai woh hai jyaada se jyaada maatra mein pd-paudhon ko lagaane se. Sirf or sirf ek hi phaayada nahi hoga balki hamein shudha oxygen bhi milega, hamaara waatawaran taaza rahega. Aur samay samay par baarish hogi aur kabhi-bhi jaise sukhaar ki aapdaa nahi aayegi. 

Kya aapko maalum hai jis jagahh par jyaada maatra mein ped-paudhe hote hai uss jagahh par jyaada baarish hota hai. Darasal hota yu hai, ped-paudhe baarish ke baadal ko apne wor khinch lete hai. Aur yehi kaaran hai ki jahaa par jyaada maatra mein ped-paudhe hote hai vahaa jyaada maatra mein baarish hota hai. Iss liye aap sab se yehi nivedan hai ki aap sab jyaada-se-jyaada maatra mein ped-paudhe lagaayein aur  hamaari dharti maa ko phir se khush kardein. Toh chaliye iss maatr divas par hum sab apni iss dharti maa ko tauphe mein dherr saara ped-paudhe arpan karein.

Thodi durr jaane ke liye hum apni-apni gaadiyon ka istamaal kartein hai

Aaj ke iss modern jamaane mein hum thodi-thodi durr jaane ke liye apni-apni gaadiyon ka ishtamaal kartein hai. Aaj kal badoo se lekar chhote tak har koi bike ka shaukin hogaya hai, aaj kal toh cycle kabhi-kabhaar hi dekhane ko mil paata hai. Ghar se baahar nikalte hi gaadiyon ki ghurr...rr--Bromm..mm ki aawaajein aani suru ho jaati hai. Yeh jaadaa kar ke shaharoo mein dekhane ko milta hai, yesi koi baat nahi hai ye aapko gaaonvo mein bhi dekhane ko mil jaayega. dheere-dheere gaaonvo ke log bhi ab toh shaharoo ke logo ka nakal karne lage hai, unnke poshak, unnki rahan-shahan sab chijo ki nakal karne lage hai. gaaon ke log dheere-dheere apane aap ko shaharo ke jaisein badaltein jaa rahein hai. 

innhi nakalo mein se ek nakal gaadiyon ka jyadaa kar ne lage hai. Ab aapko gaaon mein bhi gaadiyon ki kataar dekhane ko mil jaayega. yesi koi baat nahi hai, shahar ho ya gaaon dono ab gaadiyon ke shaukin hote jaarahein hai. Aur issliye thodi-thodi ka safar apne gaadiyon se jaatei hai. Baat yeh nahi hai ki gaaon ke log shaharo ke logo ka nakal kartei hai vo galat hai yesa bilkul nahi hai. Baat yeh hai ki wohi log thodi durr market jaana ho ya dukaan se koi samaan laana ho vo sabhi log apne gaadiyon par baith kar jaatein hai. Shahar ho ya gaaon sabhi log thodi thodi durr jaane ke liye apane gaadiyon ka isstamal kartein hai, aur aap jaantein hai isse kya hota hai. iss gaadiyon se nikalne waale dhuyein jo ki ussmein (carbon-dioxide, Mono-oxide) jaise dhuyein detaa hai. Aur aap sab jaantein hi hai ki ye gaadiyon se nikal ne waale dhuyein kitne khatarnak hote hai.

Innhi jaharille gaadiyon mein dhuyein nikalne ke kaaran hamaara paryawaran dushit hote chalaa jaa raha hai. Aur jaise-jase hamaara payawaran dushit hotaa jaayega toh hum iss khuli hawaa mein saans nahi le paayenge. Already hamaara paryawaran bade-bade industries, factories ke vaja se dushit ho hi raha hai. Magar hum bhi agar issmein thoda sa bhi sahyog nahi karenge toh hamaara paryawaran puri tarah se nasht ho jaayega. 

Hum Kya Karein Ki Hamaara Paryawaran Phir Se Hari-Bhari Aur Taazgi Mehsus Karne Lage

Hum chaahein toh hamaara thoda sa sahyog bahut badaa result laa sakta hai. Hamein agar badi durr ke safar par jaana hai tabhi hum apna gaadiyon ka isstamaal karein. Aur baaki jagahoo par hum apni cycle ka isstamaal karein. Aaj ke time mein dekha jaaye toh aaj bhi switzerland ke log bahut se jagahoo par jaane ke liye cycle kaa hi isstamaal mein letein hai.

Agar hum dheere-dheere cycle ka aadat daalne lage toh yeh hamaare liye hi achha hoga. Hamaare paryawaran mein dheere-dheere sudhaar hone lagega. Aur Hum pehle jaise phir se khuli taazi hawaavo mein khul  kar saans le sakenge. Aap sab toh dekh hi rahein hai, aaj ke iss corona samay mein jeena kitna mushkil hote jaa rahaa hai. Hum sab apne-apne muhha par mask laga kar rahh rahein hai. Aur iss mask ke vaja se saans lene mein kitna pareshani hoti hai.

Iss corona mahhamaari ke vaja se hum sab khuli hawaavo mein khul-kar saans bhi nahi le paa rahein hai. Aur sach mein yeh nayi nayi bimaariyan hamaari laapar wahi toh hai. Hamaare laapar wahi ke vaja se hi yeh corona jaise nayi-nayi mahhamariyaan jaisi bimaariyaan janm leti hai.

Hamaari saavdhani iss modern kaal ke yug mein, kaise karein apne aapko surakshit

Ab humko sachhet rahanaa hai, ye jo nayi-nayi bimariyaan aarahe hai. 

1) Hum ko pehle apne iss paryawaran ki raksha karna hai.

2) Agar hamein jyaada durr ka safar par jaana hai tabhi hum apni motor-gaadi ka isstamaal karein, aur agar hamein najdiki kahin jaana hai toh hum apnaa cycle kaa isstamaal karein.

3) Hamein jyaada kar ke cycle ko isstamaal mein laanaa hoga.

4) Cycle ko jyaada istamaal mein laane ke vajase hamaara paryawaran dheere-dheere apne aapko ko          recover karne lagega.

5) Jo yeh nayi-nayi bimariyaan aa rahin hai, unn sabhi bimariyon se humko apne aapko bacha kar             rakhanaa hai.

6) Aap sab ko jaise pataa hoga ki yeh corona ab hawaa mein bahut derr tak rehh sakta hai, toh issliye         hamein apna mask apne muhh par se bilkul utaarna nahi hai.

7) Hamein apne saath ek bottle sanitizer zarur rahein. khaas kar ke vo log to iss corona kaal mein bhi         job ya business kar rahein hai.

8) Yeh samaya mein hamara himmat hi hamaara sahaara hai, toh issliye hamein iss corona mahhmaari         mein apne aapko hamesha motivate rakhanaa hai.

9) Kya aap sab jaante hai yesi bimaariya kyun janm leti hai, kyun ki jab paryawaran dheere-dheere             dushit hone lagata hai, issliye.

10) Toh sarva prathm hammein hamaare iss parayawaran ki raksha karna hai, jitna hum isska care               karenge ye bhi hammein utnna hi care karega.

11) Hum hammarein paryawaran ki dekh-rekh karna hoga tabhi hum apne aapko surakshit paayenge.

12) Aap sab koshish kijiye kam se kam isstamaal ho motor gaadi ka.

13) Apna khyaal rakhen aur iss paryawaran kaa.

Garmiyon ke mausam mein jitne bhi anya pashu aur pacchhi hai unnko bahot pareshani hoti hai paanike ke talaash mein

Yeh baat aaj ki nahi hai yeh baat toh hamesha ki hai. Har garmiyon ke mausam mein pashu aur pacchhi ko bahot pareshani hoti hai paani ke liye. garmiyon ke mausam mein darassal saare nadi, jharnein, pokharein yeh sab sukh jaate hai. Aur yehi kaaran hai ki pashu aur pacchhi paani ke liye tadap jaatein hai. Garmi ke mausam ke kaaran har jagaha sukhar ho jaata hai, kahin bhi najar jaati hai to sirf aur sirf luha hawaayein hi chalti hai. Maan lo ki insaan jaise budhiman jeev ko bhi yeh season pareshan kar deta hai. Ye toh abhi pashu, pacchhi hai, innki baat ham kya karein.

Saarein paudhe sukhe-sukhe se ho jaatein hai. Aur unn paude ke upar pacchhi baith kar paani ke talaash mein nigahein banaye rahatein hai. Baat sirf intni hi nahi hai, inn garmiyon ke season mein hawaawo mein luh chal ke kaaran pacchhiyon ko udne mein bahot problem hota hai. Aur aap sab toh jaante hai jyada luh lagane ke vajasein dehydration jaisi samasya ho jaati hai. Ham inn pashu aur pacchhiyon ko unnko in garmiyon ke season mein kya hum inn ko thoda sahara nahi de saktein hai ?. Hamara bhi farz hota hai, innki madat karnein kaa.

Hum inn pashu aur pacchhiyon ko kaise madat kar saktein hai ?

Hum apnein apnein chhat pe chhote se kisi bhi bartan mein paani bhar kar rakh kar unnki madat kar saktein hai. Hamari ek chhotisi madat kai pacchhiyon ki jaan bachaa sakta hai. Aur pashuwo ke liye hum apne ghar ke darwaje ke saamne kisi bhi chhote se bartan paani bhar kar pashuwo ko hum madat kar sakte hai. innhi chhoti chhoti madat se hum bahut apne aap ko andar se khushi mehsus kar sakenge.

Kya aapko yeh mehsus kabhi hua hai, jab bhi aap baahar se ghar mein aatein hai aur kuch derr ke baad ek glass thanda paani peetein hai toh aapko kaisa mehsus hota hai ? ussi tarah inn pashu aur pacchhiyon ko bhi mehsu hota balki inn ko toh double khusi mehsus hota hai, pehele jab inn ko thanda paani paani kahi dikh jaata hai tab, aur dusaraa khusi uss paani ko peene se milta hai.

Paani ka Mahatwa

Inn garmiyon ke mausam ke season mein kai sareein pashu aur pacchhiyon ki jaan chali jaati hai paani naa milne ke vajase. lekin yeh bin bolein pashu-pacchhiyon ko pyas bhi lagegi toh ve bechare kisi se keh bhi nahi sakte hai, kyon ki ve bol nahi sakte. Toh aap soch lijiye ki aap ko kitna punnya milega inn pashu-pacchhiyon ko paani peela ke. inn pashu-pacchhiyon ka rom-rom aapko duwaayein dega. Toh chaliye aaj aap aur hum mil ke yeh shapath kartein hai "Hum se jitna bhi ho sake hum vo pashu-pacchhiyon ki madat jarur karenge".

Aap sab ko toh pataa hi hoga paani ka kitna mahatwa hai. Bade-bade shaharoo mein paani ko bottle mein bhar kar bechaa jaata hai. Hum sab ne apne-apane bujurgo se yeh jarur sunaa hoga "Jal hai toh kal Hai" Bina paani ke jeevan ho hi nahi sakta hai. Paani aisaa mulyawan wastu aur koi ho hi nahi sakta. issliye hum ko paani soch-samajh kar hi use karnaa chahiye, kyun ki "Jal hi Jeevan Hai"

Swach paani Mast paani | Panni bachao paani badhaoo

 Inn garmiyo ke season mein paani ek important cheez aur kounsi wastu ho sakti hai. Jaruri nahi hai ki sirf garmiyon ke season mein hi paani important hai. 

Paani toh har kaam ke liye bahut mahatwa purna hai. Aap sabhi ne sunaa jarur hoga "Jal hai toh Kal hai" isska matlab aap sab jaan hi gaye honge ki jal ke bina kal ka din hamme dehana nasib nahi hoga.

Har ek wastu jo iss dharti pe zinda hai paani ka hi jeevendan hai. Har ek kaam mein aanewala paani kitna important hai, yeh hammein acchi tarah se pataa hona chahiye.

Hamara nahaane se lekar khane pene tak sab paani se hi mumkin ho paata hai. Dosto kya aap sab jaantein hai maanav jaati yaani hum, hamara pura sharreer 70 pratishat paani se hi banaa hua hai. Saare jeev jantu kisi na kisi dwara paani ko peena aur usse apane kaam mein lene ki liye bechain rahete hai.

Maan lo agar koi ek din ka pyasa ho aur hum uss ke saamne heera aur paani ka bhara hua glass rakh denge toh woh pehele kaunsi wastu ko woh pehele uthana chahega, yeh simple hai woh pehele paani ka glass hi uthayega.

Paani ek aisa mulyawan cheez hai jo sabhi jeev jantu ka sahaara hai. Bina paani ke jeevan rahega yeh aap sooch bhi nahi sakte hai.

Aaj agar hum baat karein toh hum dekh rahein hai ki aaj kal ke jitne bhi industries, factories wagaire wagaire yeh sab kya kar rahein hai ?

Yeh sab pahadoo se bahate hue paani ko dushit kar rahein hai. Ye darassal industries aur factories ke gandein paani ko saaph sutharein paani mein bahaa detein hai. Aur yehi wajah hai ki aaj kal ke jitne bhi nadiyaan hai woh sabhi dushit hoti chali jaa rahi hai.

Lekin bas itnaa hi nahi ho raha hai issmein hamara bhi dosh hai. Humbhi nadiyon ke saaph sutharein paani mein kudaa kachara daal detein hai, apne paale hue gaayein, bhais ko ussi saaph suthrein nadi mein nahlatein hai. Kya yeh sab hamari galti nahi hai ?

Lekin agar yeh aissse hi hota raha toh ek din aisaa aayega ki hammein swach paani ke liye tarasna hoga. Aur phir bhi hammein saaph suthara meetha paani nasib nahi hoga.

Aisa din dehkane se pehele kya hum apne aap ko badal nahi sakte ? Agar hum yeh sab dushit gandein paani ko bahate swach paani na milayein toh kitna accha hoga. Hamara bahate hue meetha nadika ka paani waisse hi saaph suthara raha jaat.

Aaj ke samay mein hum dekh hi rahein hai, hamein paani ke bottle kharidana pad rahaa hai. Aap sab dekha hi rahein hai, aaj yeh kaisa dein dekhane ko mil raha hai.

Agar aap sab ka sahyog hoga toh yeh sab sambhav ho sakta hai. Abhi bhi yeh kuch bigadaa nahi hai, hum aaj bhi sambhal sakte hai.

Kya aap sab jaante hai, purein duniya mein sirf aur sirf 3% hi meetha paani hai. Aur baaki sab namak wala paani hai. Kai sari technikiyaan yeh daawa kar rahi hai ki hum khaarein paani yani namak wale paani ko peenein laayak banaa saktein hai.

Lekin yeh utnaa meetha aur sehath ke liye accha nahi hoga. Meetha paani toh meetha hi hotaa hai aur sehath ki liye laabh daayak hotaa hai. Hamein hamara 3% meethein paani ko bachana hai.

Hamein aissi aasha hai ki hum iss baat ko samjhenge aur isska paalan karenge.

Subaha uthakar garam gungun paani peene ke anginat laabha

Vaise toh dekha jaaye toh aaj kal ke sabhi log thanda paani hi peena bahut pasand karte hai. Lekin kya aap ko pataa hai ki garam halka gunguna paani peene ka kitna anginata laabha hai ?

Toh chaliye hum jaan lette hai, subaha savere jaldi uthakar garam halka gunguna paani peene se hamara bheetar ka saara part purje swach ho jaate hai.

Ae bilkul ussi tarah hai ki jab hum jis thali mein khaana khaate hai toh uss thali ko pehle hum ussko saapha suthara karte hai, bilkul ussi tarah jab hum subha uthakar halka garam gunguna paani peete hai tab hamare bheetar ka saara anga anga swach ho jata hai.

Aur baat yahan aakar ruk nahi jaati hai, hamare bheetar ke jitni gandaki aur jaharili padarth hote hai woh puri tarah se dhul jaate hai. Subha paani peene se hum din bhar taazgi mehsus karte hai.

Pet ki jitni bhi samasya hai woh puri tarah se dheere dheere thik hone lagata hai. Aur jin logo ko motape ki shikayat hai unn logo ke liye toh ye rambaan hai. Agar koi motapa ke bimari se pareshaan hai, toh unn logo ko subha savere jaldi uthakar garam halka gunguna ek do glass paani jarur peena chahiye.

Paani peene ke thodi derr baad baahar hamein jarur tahal ne ke liye jaana chaahiye. Isse kya hoga ? Isse hamara khun shareer mein achhi matra mein circulate hoga aur isse aap taroo taaza feel karenge.

Jyada se jyada aapko 30 minute subha ki khuli hawaavo mein tahalna chahiye, isse aap ka freshness dinbhar bana rahega. Aur jin logo ko aankho ki shikayat hoti hai woh log bina chappal ke harre ghaas pe tahale isse aap ke aakho ki freshness barakarar rahegi aur aankho ki saari pareshani dheere dheere kam hoti jayegi.

Tahal ke aane ke baad hamein thande paani se nahaa lena chahiye. Isse hum apane aap ko bahut taaza aur halka feel karenge.

Humko actually mein garam paani peena chahiye aur thande paani se humko nahana chahiye. Lekin aaj ki paristithi mein log ulta kar rahein hai. Garam paani peene ke badale thanda paani peete hai aur thande paani se nahane ke badale hum garam paani se nahaate hai.

Hamein apane aap ko badalna hoga. Kya aap jaante hai agar hum thande paani ke badale garam paani se nahate hai aur garam paani pene ke badale thanda paani peete hai toh hum kai sari bimariyon ko nyota dete hai.

Issliye hamein inn niyamo ka paalan karna chahiye. Jis se ham swasth aur nirog rahe  kai saari bimariyo se.

Kya aap jaante hai Dogs chocolate kyun nahi khaate hai ?

Hum ne toh aaj tak dogs ko biscuit khate hue dekha hai, kya kabhi aap ne dogs ko chocolate khate hue deha hai nahi na ? Chaliye jaante hai dogs chocolate kyun nahi khate hai ?

Jab hum dogs ko chocolate khilaate hai toh dogs usse aasaani se kha lete hai. Lekin khane ke kuch samay ke baad unnkay pet mein dard hone lagata hai, vomiting, diarrhoea jaisi bimari ka shikaar hone lagate hai. Aur finally death bhi ho sakta hai. Aap soch rahe honge ki yaar hum bhi toh chocolate khate hai, lekin humko kuch kyun nahi hota hai ?

Aap ka kahana bilkul sahi hai, lekin kya aap jaate hain ? Chocolates mein ek bahut vishayala padarth rahata hai woh hai theobromine.Theobromine darasal chocolate mein rahata hai. Chocolate jitna hi dark colour ka hota hai ussmein theobromine utna hi jyada hota hai.

Toh jab hum chocolate khate hai tab hamara sharreer ussein aasani se pachaa letaa hai. Lekin jab dogs chocolate khate hai toh dogs ka shareer bahut dheere dheere theobromine ko pachaata hai. Hamaare pachaan prakriya jitna dogs ka paachan prakriya nahi hota. dogs ka pachaan prakriya bahut kamjor honne ke kaaran.

Aur issi woja se theobromine dogs ke shareer mein jyada derr tak rahh jata hai. Theobromine dogs ke shareer mein jyada derr tak rahanne ke vaja se, dogs ko vomiting, diarrhoea jaisi bimari ka shikaar ho jate hai. Aur yahaa tak dogs marr bhi sakte hai.

Hum aap sabko yehi kehna chahate hai ki, aap apne pet dogs ko galti se bhi chocolate na dein. Chocolate dogs ke sehath ke liye bahut jyada hani karak hota hai. Apne pets dogs ke sehath ka khayal rakhein, aur kripaya dogs ko chocolate galti se bhi na dein yeh bahut hi danger saabit ho sakta hai. Aur yehi vaja hai ki dogs chocolate nahi khate hai, toh aap jaan gaye honge ki chocolate dogs ke sehath ke liye kitna khatarnak hotaa hai.